У гэты святочны дзень, «Белпошта» правядзе ў вылучаных аддзяленнях паштовай сувязі рэспубліканскае мерапрыемства «Дзень роднай мовы». У кліентаў будзе магчымасць набыць паштоўку і напісаць на ёй цёплыя словы на беларускай мове сябрам і блізкім, а супрацоўнікі кампаніі бясплатна даставяць іх у любую кропку Беларусі! На Міншчыне ў акцыі возьмуць удзел паштовае аддзяленне №5 Барысава (вуліца Працы, 5) і паштовае аддзяленне №7 Салігорска (вуліца Казлова, 31).